Salt

A Consellería de Traballo e Benestar é o órgano da Administración da Comunidade Autónoma de Galicia ao que lle corresponde, conforme o establecido no Estatuto de autonomía de Galicia e nos termos sinalados pola Constitución española, o exercicio das competencias e funcións en materia de políticas activas de emprego, política laboral, relacións laborais, seguridade e saúde laboral, cooperativas e outras entidades de economía social, sen prexuízo das competencias doutras consellerías nestas materias

A Consellería de Traballo e Benestar desempeña as funcións propias da súa competencia a través dos seguintes órganos superiores:

• Conselleira
• Secretaría Xeral
• Dirección Xeral de Promoción do Emprego: á cal lle corresponden o desenvolvemento das funcións atribuídas á consellería en materia de fomento do emprego nas empresas e nas entidades de economía social
• Dirección Xeral de Formación e Colocación: á cal lle corresponde o desenvolvemento das funcións atribuídas á consellería en materia de cualificacións e competencia profesional, de formación profesional ocupacional e continua, a intermediación no mercado de traballo, colocación e orientación laboral, así como a estatística, análise e prospectiva de traballo
• Dirección Xeral de Relacións Laborais: a cal desenvolve as competencias asumidas en materia de traballo, seguridade e saúde laboral, cooperativas e outras entidades de economía social
• Dirección Xeral da Dependencia e Autonomía Persoal
• Dirección Xeral de Xuventude e Voluntariado
• Delegacións provinciais

Están adscritos á Consellería de Traballo e Benestar tamén os seguintes órganos:

• Instituto Galego de Seguridade e Saúde laboral (Issga)
• Consello Galego de Relacións Laborais
• Consello Galego de Cooperativas
• Consello da Xuventude de Galicia
• Fundación Galega para o impulso da autonomía personal e a atención ás persoas en situación de dependencia (Funga)
• Consorcio Galego de Servizos de Igualdade e Benestar
• Sociedade Galega de Servizos Sociais (Sogaserso, S.A.)

A Consellería de Traballo e Benestar xestiona distintas axudas e subvencións, encamiñadas a mellorar a calidade, a estabilidade e a igualdade de oportunidades no acceso ao mercado laboral, que poden agruparse según as seguintes temáticas:

• Apoio a colectivos desfavorecidos: programa de fomento da inserción laboral das mulleres vítimas de violencia...
• Autoemprego: aboamento de cotas á Seguridade Social, iniciativas locais de emprego, iniciativas de emprego rural, iniciativas de emprego de base tecnolóxica…
• Economía social: axudas para o fomento e consolidación das asociacións de cooperativas…
• Escolas taller, casas de oficios: subvencións para escolas taller e casas de oficios…
• Estabilidade no emprego por conta allea: axudas previas á xubilación ordinaria no sistema da Seguridade Social a traballadores/as afectados por procesos de reestruturación de empresas…
• Formación ocupacional e continua: programación de cursos do Plan nacional de formación e inserción profesional (FIP) na Comunidade Autónoma de Galicia correspondente ao exercicio 2008…
• Obradoiros de emprego, unidades de promoción e desenvolvemento: subvención para unidades de promoción e desenvolvemento, subvención para obradoiros de emprego…
• Programas de cooperación: subvención para a contratación, polas entidades locais, de desempregados/as para a realización de obras e servizos de interese xeral e social, subvención para a contratación, por órganos das administracións públicas distintas da local, universidades e entidades sen ánimo de lucro, de traballadores/as desempregados para a realización de obras e servizos de interese xeral e social, subvención para a creación de emprego polas entidades locais, a través do fomento do desenvolvemento local…

A colaboración da Consellería de Traballo e Benestar no Servizo de licitacións internacionais vén xustificada polo empeño desta en fomentar a creación de novas oportunidades de iniciativas empresariais coma recurso de creación de emprego, tanto directo coma indirecto, estable e de calidade