LICITACIÓNS
As estratexias país e proxectos país atopan a súa materialización nas licitacións. A información relativa a estas últimas pode revestir forma de:
- Plans de adquisicións: o prestameiro prepara o plan de adquisicións e inclúese inicialmente na proposta de empréstito ou plan de operacións.
- O plan describe brevemente as adquisicións previstas no proxecto para os 18 meses seguintes, o orzamento estimado para as diversas ofertas de licitación nas cales se agruparán as adquisicións planificadas, a fonte de financiamento, o método de adquisición para cada licitación, a data estimada para o primeiro aviso de licitación ou precualificación (se fose pertinente) e o estado da adquisición.
- Os plans de adquisicións póñense á disposición do público no sitio virtual do organismo e actualízanse cada ano para os proxectos en execución.
Avisos xerais de adquisicións (AXA): nos proxectos con adquisicións para as cales se seguirán os procedementos de licitación pública internacional, os prestameiros deben preparar os avisos xerais de adquisicións que inclúen información sobre o prestameiro, o importe e o propósito do empréstito, a magnitude da adquisición que está en licitación pública internacional, o nome, número de teléfono (fax) e enderezo do organismo do prestameiro responsable da adquisición e o enderezo do sitio virtual no que se publicarán os avisos específicos de adquisición.
- Avisos específicos de adquisicións (AEA): as invitacións a precualificación, as manifestacións de vontade e as licitacións publícanse como avisos específicos de adquisicións no sitio virtual do organismo. Igual que os AXA, os AEA deben estar preparados polo prestameiro e aprobados polo organismo antes de seren publicados.
Por medio do SALT poderá acceder aos plans de adquisicións, avisos xerais e específicos de cada organismo ou IFMD, dispoñendo da opción de recibir, a través do sistema de alertas, información actualizada sobre aqueles que sexan do seu interese.
