OBXECTIVOS
Os obxectivos do Servizo de licitacións internacionais da Confederación de Empresarios de Galicia son:
- Aumentar a participación activa das pemes galegas en concursos e licitacións públicas internacionais convocadas por organismos e institucións financeiras multilaterais de desenvolvemento (OMD)
- Ofrecerlles ás empresas galegas, especialmente ás pemes, un servizo de asesoramento, así como as ferramentas necesarias para mellorar as súas posibilidades de acceso ás licitacións públicas internacionais
- Capacitar persoal técnico, directivos/as e empresarios/as
- Ofrecer formación a novos licenciados para operar no mercado das licitacións públicas internacionais
- Implantar metodoloxías e achegar experiencias ás empresas galegas para comezar a actuar no campo das licitacións internacionais
- Incrementar a competitividade das empresas galegas no ámbito internacional
- Facilitar ás pemes galegas novas fórmulas de internacionalización
- Fomentar a inscrición das pemes galegas nos rexistros de provedores do sistema de Nacións Unidas e os bancos de desenvolvemento
- Colaborar no desenvolvemento de posicionamentos empresariais de carácter estrutural ante os organismos multilaterais de desenvolvemento (OMD)
