REXISTRO ANTE OS OMD
- En que consiste.
- Algúns organismos e institucións financeiras multilaterais de desenvolvemento esixen, como condición previa á licitación, que as empresas que concorran a elas figuren inscritas en determinados rexistros (Dacon, UN Global Marketplace, etc.).
- Este servizo avanzado proporciónalles ás empresas que así o soliciten información, asesoramento e apoio para a súa inscrición nos rexistros de contratistas que os diferentes organismos e institucións financeiras multilaterais de desenvolvemento manteñan operativos.
- Como funciona.
- A Confederación de Empresarios de Galicia, a través do seu Servizo de Licitacións Internacionais, manterá actualizado un sistema de seguimento das solicitudes de rexistro por ela tramitadas en nome das empresas galegas ante os diferentes organismos e institucións financeiras multilaterais de desenvolvemento e proverá de información puntual sobre a marcha deste proceso.
- Como acceder a este servizo.
- Se desexa iniciar os trámites para que a súa empresa se rexistre nalgún organismo ou institución financeira multilateral de desenvolvemento, por favor póñase en contacto co persoal do Servizo de Licitacións Internacionais da CEG (info@salt.ceg.es), que o informará detalladamente sobre os procedementos, documentación e prazos precisos para obter esta inscrición.
