BUSCADOR DE LICITACIÓNS
- En que consiste.
- Este servizo permítelles ás empresas galegas atopar a información publicada polos diferentes organismos e institucións financeiras multilaterais de desenvolvemento relacionada cos proxectos por elas financiados, facilitándolles dese xeito datos de grande importancia para a toma de decisións ligadas a posibles procesos de internacionalización.
- Como funciona.
- A información sobre estratexias, proxectos e licitacións incorpórase en tempo real ao portal SALT a medida que sexa feita pública polos diferentes organismos e institucións.
- Poden realizarse buscas de estratexias, proxectos e licitacións empregando, entre outros, os seguintes criterios: país e área xeográfica, organismo multilateral financiador, tipo de licitación, sector e subsector, tipo de contrato, importe, data de publicación, prazo de presentación de ofertas, estado, etc.
- Como acceder a este servizo.
- Trátase dun servizo ao que pode acceder calquera usuario, se ben para dispoñer da totalidade da información existente no sistema sobre cada operación é preciso rexistrarse con anterioridade no portal.
