XUNTA DE GALICIA
Os procesos de internacionalización das empresas levan consigo unha maior necesidade de financiamento destas. A Administración autonómica, consciente do esforzo que supón para as empresas galegas abordar os procesos de saída ao exterior, pon á súa disposición diversas liñas de axuda.
- Igape
A Comunidade Autónoma de Galicia exerce as súas funcións administrativas a través da Xunta de Galicia e dos seus entes e órganos dependentes, tal e como se establece no Estatuto de autonomía de Galicia. Un destes órganos dependente da Consellería de Economía e Facenda é o Instituto Galego de Promoción Económica (Igape), que se define como a axencia de desenvolvemento rexional de Galicia.
Entre os principais obxectivos que persegue o Igape está o de facilitar a internacionalización das empresas galegas, para o cal pon á súa disposición unha ampla gama de servizos e de axudas financeiras con distintos obxectivos.
Así, existen axudas encamiñadas a financiar a elaboración de plans de marketing para a internacionalización, apoios para facilitar a presenza en eventos expositivos internacionais ou contratación de persoal para a exportación e axudas para favorecer a implantación promocional conxunta no exterior
En relación coas axudas existentes no ámbito da internacionalización, as máis representativas son:
- Liña Igape-ICO - Entidades para financiamento de investimentos.
- Incentivos económicos do Igape á internacionalización.
- Investimento no exterior e cooperación: Convenio Igape-COFIDES.
